Kandidati i Partisë Social Demokrate në Kroaci, Zoran Milanoviç, është duke udhëhequr në zgjedhjet presidenciale të Kroacisë, sipas Komisionit Shtetëror të Zgjedhjeve.

Pasi janë llogaritur 58% të votave, Milanoviç mori 30.8% të votave, duke kaluar presidenten aktuale të qendrës së djathtë Kolinda Grabar Kitaroviç me 27.5%, që tregon se zgjedhjet me gjasë do shkojnë në një balotazh vendimtar të raundit të dytë me 5 janar.

Kandidati i pavarur Mirosllav, është i treti me 23% të votave.

Autoritetet zgjedhore thanë që pjesëmarrja ishte më e lartë sesa gjatë zgjedhjeve të fundit në 2014, me rreth 100 mijë më shumë votues, që kishin dalur në zgjedhje pavarësisht motit të keq.

Presidenca e Kroacisë është kryesisht ceremoniale. Mbajtësi i zyrës zyrtarisht komandon ushtrinë dhe përfaqëson vendin jashtë vendit.

Por mbajtja e postit është e rëndësishme për Partinë në pushtet të Bashkimit Demokratik Kroat, qeveria e së cilës vendosi të miratojë drejtimin e BE-së në 1 janar.
Puna e BE do të përfshijë mbikëqyrjen e largimit të Britanisë nga blloku, që pritet në 31 janar dhe fillimin e bisedimeve tregtare pas Brexit.