Nga shpërthimi që ka ndodhur, të dielën pasdite, në rrugën e mbipopulluar Istiklal të Stambollit, katër persona kanë humbur jetën dhe 38 janë plagosur, tregoi Guvernatori i qytetit, Ali Yerlikaya.
“Të plagosurit tanë po trajtohen. I urojmë mëshirën e Zotit për ata që humbën jetën dhe shërim të shpejtë të lënduarve. Zhvillimet do të ndahen me publikun”, shkroi Yerlikaya.