Ambasadori i Shteteve të Bashkuara të Amerikës në Kosovë, Phillip Kosnett, ka vlerësuar shkarkimet e fundit nga pozitat e larta të dënuarve për korrupsion dhe krime lufte.

Diplomati amerikan i cili vazhdimisht bënte thirrje për shkarkimin nga detyrat të dënuarve për korrupsion dhe krime lufte, këtë e sheh si shenjë inkurajuese.

Kosnett thekson se pret të shkarkohen edhe zyrtarë të tjerë, duke shtuar se është i kënaqur me raportimin e mediave për emërimet e të dënuarve në pozitat e larta zyrtare.

“I kënaqur të shoh mediat duke folur për një kriminel tjetër të luftës, i emëruar në detyrë. Shkarkimet do të vënë në pah respektimin e ligji”, ka shkruar Kosnett në Twitter.