Drejtori i organizatës “Let’s Do It Kosova”,  Luan Hasanaj, tashmë do të jetë edhe drejtor i fushatës botërore “World Cleanup Day”.

Kështu edhe Kosova do të jetë kryesuesja e kësaj fushate nga të gjitha shtetet e vendit.

Hasanaj, përmes një statusi në Facebook ka bërë të ditur këtë.

Postimi i plotë:

Nga sot e tutje Kosova do të koordinoj fushatën Botërore World Cleanup Day për dy vitet e ardhëshme ndërsa mua më është ngarkuar detyra e drejtorit të kësaj fushate. 
Kjo do të thotë që vendi jonë do të merret si model në më shumë se 150 shtete anëkënd Botës!

Ky sukses ju dedikohet të gjithë atyre që nuk kursyen asgjë për vite me radhë në Let’s Do It Kosova, task forcës për pastrimin e Kosovës dhe të gjithë partnerëve tonë të çmuar.