Krasniqi: 78 pacientë janë në gjendje të rëndë të shtruar në spital – Delta nuk kursen as fëmijët e vegjël

Prishtinë | 09 Sht 2021 | 17:52 | Nga Ekonomia Online

Drejtori i Shërbimit Spitalor Klinik Universitar, Valbon Krasniqi ka thënë se 78 pacientë janë në gjendje të rëndë të shtruar në spital, si pasojë e infektimit me coronavirus.

Krasniqi shtoi se Variati Delta nuk po kursen as fëmijët e vegjël, përfshirë gratë shtatzëna.

“Po përjetojmë një valë të rëndë të pandemisë. Sot 78 pacientë janë në gjendje të rëndë të shtruar në spital. Mendojmë se varianti Delta ka fituar shumë sa i përket mundësisë që përhapet. Kjo valë po përcillet edhe me prekje të grupmoshat e reja, madje duke mos kursyer edhe fëmijët e vegjël, madje kemi pasur humbje edhe jete te gratë shtatzëna”, tha Krasniqi për A2 CNN.

Tutje ai thekson se në spitalin e Prizrenit dhe atë të Gjakovës janë trajtuar edhe qytetarë nga Shqipëria.

Madje, ai tregon se aktualisht janë duke marrë ndihmë mjekësore.

“Sa i përket pacientëve nga Shqipëria, ne kemi trajtuar kryesisht pacientë në spitalin e Prizrenit dhe të Gjakovës. Sot, kemi 8 pacientë që po merr trajtim në këto dy spitale, njëri prej tyre po merr trajtim në spitalin e Prizrenit dhe 7 qytetarë të tjerë në Gjakovë”, u shpreh Krasniqi.

Të ngjashme