Gjatë një konference të përbashkët mes kryeministrit shqiptar, Edi Rama dhe Presidentit të Parlamentit Europian, David Sassoli, ky i fundit u shpreh se “JO-ja” për negociatat ishte “zhgënjim si për shoqërinë civile ashtu edhe për ne”.“Ndodhi një ngadalësim para fundit të vitit, por procesi i anëtarësimit duhet të fillojë.

Folëm me Ramën për sistemin bankar, sigurimet bankare. Folëm edhe për çështjet e sigurisë, janë çështje të përbashkëta për të gjithë ne. Tërmeti në Shqipëri, BE u tregua e gatshme të ndihmojë Shqipërinë. “JO-ja”për negociatat, zhgënjim si për shoqërinë civile ashtu edhe për ne. Duhet t’i bindim të gjithë për hapjen e negociatave. Pozicioni i disa qeverive ishte rishikimi i metodologjisë së procesit të anëtarësimit,” u shpreh Sassoli.

Nga ana tjetër Rama tha:

“Sassoli ka bërë përpjekje për të forcuar imazhin e Shqipërisë. Kemi diskutuar hapur, është një mik i mirë i Shqipërisë dhe shqiptarëve. Sassoli ka shprehur opinionet dhe kritikat e tij për ato që kemi bërë dhe ato që duhet të bëjmë. Në fokus të bisedimeve tona ka qenë procesi i çeljes së negociatave. Paketa kundër “KÇK-së”, një ndër pikat që u përfol mes nesh.” /Top Channel/