Kryetari i Komisionit parlamentar për Arsim, Ismajl Kurteshi ka kritikuar ministrin e Arsimit, Shyqiri Bytyqi për mosparaqitjen për raportim dy herë në këtë komisionit lidhur me përjashtimin e Kosovës nga Regjistri Evropian i Sigurimit të Cilësisë për Arsim të Lartë.

“Kam vërejte për ministrin, i cili  ka konfirmuar ardhjen dhe pastaj nuk ka ardhur në mbledhje. Kjo është neglizhencë e detyrave para deputetëve si dhe para komisionit”, tha deputeti i Vetëvendosjes, Ismajl Kurteshi.

Sipas tij ministri Bytyqi duhet të tërheq propozimin e bordit që është në radhë të votohet këtu dhe t’i hartojë kriteret në MAShT.