Presidenti i vetshpallur i Venezuelës, Juan Guaido, ka bërë thirrje për mbështetësit e tij që të dalin në protesta sa më shumë edhe këtë të mërkurë.

Ky apel i presidentit të përkohshëm Juan Guaido, erdhi vetëm një ditë pasi u zhvillua grushtshtet ndaj presidentit Nicolas Maduro.

Nicolás Maduro, të cilin kreu i opozitës po përpiqet të rrëzojë, mbetet sfidues përkundër protestave.

Në një fjalim televiziv ai i përshkroi përkrahësit e Guaidos si një “grup të vogël”, plani i të cilit kishte dështuar.

Ndërkohë, administrata amerikane pretendon se zoti Maduro ishte gati të udhëtojë për në Kubë për t’i shpëtuar trazirave.

“Ata kishin një aeroplan në pista, dhe ai ishte gati të largohej këtë mëngjes [të martën], siç e kuptojmë. Rusët treguan se ai duhet të qëndrojë”, tha sekretari amerikan i shtetit Mike Pompeo për CNN, pa ofruar dëshmi.

Zyrtarët e lartë amerikanë gjithashtu thanë që tre figura të shquara në qeverinë e Maduro kishte rënë dakord që presidenti duhej të shkonte, por më vonë u kthye prapa.

Këshilltari i Sigurisë Kombëtare i Shteteve të Bashkuara John Bolton tha se këto shifra thuhet se përfshinin Sekretarin e Mbrojtjes Vladimir Padrino – i cili që atëherë riafirmoi mbështetjen e tij dhe u shfaq pranë Nicolas Maduro në fjalimin e tij televiziv.