Këshilli i Kryetarëve mbajti takim virtual me Ministri e Shëndetësisë z.Armend Zemaj për të debatuar lidhur me situatë aktuale me pandeminë Covid19.

Në takim ishin të pranishëm Kryetarët e Komunave, Ministri i Shëndetësisë z.Armend Zemaj dhe Drejtori i Institutit Kombëtar të Shëndetësisë Publike (IKSHP) z.Naser Ramadani.

Në hapje të takimit nga ana e Kryetarit të Asociacionit të Komunave të Kosovës (AKK) z.Imri Ahmeti, në emër të Kryetarëve i dëshiroj shërim të shpejtë e të lehtë Kryetarit të Komunës së Malishevës që është infektuar me virusin Covid19 si dhe të gjithë të infektuarve tjerë.

Kryetari i AKK-së z.Imri Ahmeti në vazhdim tha se ky takim në këtë format vjen pas masave që janë ndërmarrë dhe atyre që priten të ndërmerren në betejën e përbashkët AntiCovid-19. Ai kërkoi harmonizim edhe në të ardhmen për gjitha veprimet mes institucioneve qendrore dhe lokale, sepse javën që shkoj kryetarët janë vënë në dijeni pak vonë. Kryetarët kanë disa shqetësime për masat që kanë implikime në punët e përditshme të komunave publike por edhe impakti tek bizneset në komuna.  Andaj çdo vendim që merret të njoftohen kryetarët në afati optimal që mos të ketë problem në implementim të masave të reja.

Në adresimin e tij para Kryetarëve të Komunave Ministri i Shëndetësisë z.Armend Zemaj pasi falënderoj kryetarët e komunave për bashkëpunimin e deritashëm tha se masat e deritanishme nuk ishin të favorshme meqë infeksioni po shtrihet në nivel vendi. Ne si Ministri e Shëndetësisë kemi vepruar në bazë të rekomandimeve të IKSHP dhe të grupit të ekspertëve duke qenë të vetëdijshëm për ankesat e sektorëve të ndryshëm, por shëndeti i popullatës të jetë primar. E gjitha këto janë bërë në bazë të ligjit kundër pandemisë, ku kemi veprimet kuadër të qeverisë dhe vendimet operacionale të Ministrit të Shëndetësisë. Kategorizimi i komunave është bërë në bazë të praktikave në shtetet evropiane.

Në anën tjetër Ministri Zemaj paraqiti problemet dhe sfidat me numrin e rasteve spitalore në rritje si edhe sistemi i stërngarkuar në QKUK dhe qendrat rajonale spitalore.

Në anën tjetër Kryetarët e Komunave në diskutimet e tyre kanë paraqitur para ministrit sfidat dhe problemet me të cilat po përballen komunat në menaxhimin e kësaj situate pandemike. Ndër këto probleme vlen të ceket problemi me vonesat e rezultateve të testimeve, rreziku për mungesën e oksigjenit në spitalet rajonale, problemet e ekonomisë dhe biznesit me masat mbyllëse, kufizimi i kryerjes së punëve publike në komuna, mungesa e kapaciteteve shëndetësore meqë një numër nga komuna janë dërguar në pikat kufitare dhe aeroport, përgatitjet për kartelën sociale në prag të dimrit, përqindja e testimeve dhe të të infektuarve nuk dallon shumë mes komunave etj.

Ndërsa Drejtori i IKSHP-së z.Naser Ramadani vlerësoi se rritja e numrit të të infektuarëve ka sjell një situiatë të ndjeshme në këtë kohë, dhe në bazë të kësaj duhet të veprojmë së bashku si institucione. Ai shtoi se janë të vetëdijshëm për problemet në ekonomi por shëndeti është i pallogaritshëm si dhe të kemi shumë kujdes e të ruajmë sistemi shëndetësor nga kollapsimi i mundshëm nga stërngarkesat.