Kryetarja e Kuvendit të Shqipërisë, Lindita Nikolla do të jetë prezente në Forumin për Gratë, Paqen dhe Sigurinë, i cili organizohet nga presidentja e Kosovës, Vjosa Osmani, këtë vit për herë të dytë.

Kështu u bë me dije edhe nga presidenca e Kosovës në një postim në Facebook.

“Kemi nderin që ta mirëpresim Kryetaren e Kuvendit të Republikës së Shqipërisë, Lindita Nikolla, e cila i bashkohet edicionit të dytë të Forumit për Gratë, Paqen dhe Sigurinë, organizuar nga Presidentja Vjosa Osmani”.

Edicioni i dytë i këtij forumi do të mbledhë në Prishtinë liderë, ekspertë, si dhe pjesëmarrës nga më shumë se 40 shtete të botës, nga 15 prilli deri më 16 prill.