Lideri i Vetëvendosjes, Albin Kurti, në konferencën e mbajtur sot, nuk iu është përgjigjur gazetarëve se çka do të ndodhë me grupin parlamentar të Lëvizjes Vetëvendosje, në rast se ndodh krijimi i partisë së re nga Dardan Molliqaj dhe të tjerët.

Kurti nuk deshi të komentojë asgjë rreth kësaj, me arsyetimin se konferenca është thirrur për tema të tjera.

Në medie është raportuar se të larguarit nga VV, ish-sekretari i Përgjithshëm, Dardan Molliqaj; ish-kryetari Visar Ymeri; ish-anëtarja e Kryesisë dhe disa deputetë të tjerë, do të krijojnë një grup të ri parlamentar, duke e ndarë në dysh Vetëvendosjen.