Kurti pyetet për ngërç institucional, përgjigjet për banim në Podujevë

Kryeministri në detyrë, Albin Kurti, me të përfunduar vënia e gurthemelit për objekte të banimit të përballueshëm dhe social në Podujevë, dëgjoi vëmendshëm dhe deri në fund pyetjet e gazetarit për bllokadën drejt konstituimit të Kuvendit të Kosovës dhe mundësitë e rrugëzgjidhjes së saj, por, u përgjigj për objektin që nisi të ndërtohet në këtë qytet, raporton Ekonomia Online.

“Vetëm 13 komuna kanë aplikuar për banim të përballueshëm dhe social… Për ato çështjet e tjera në Prishtinë e këtu jemi për banim”, u përgjigj Kurti, i cili para pyetjeve të gazetarëve kishte prezantuar të dhëna për projektin infrastrukturor në Podujevë.