Kurti flet me norvegjezët rreth agresionit rus në Ukrainë dhe pasojat për rajonin

Prishtinë | 14 Mar 2022 | 17:24 | Nga Ekonomia Online

Marrëdhëniet shumë të mira bilaterale dhe bashkëpunimi konstruktiv ndërmjet Kosovës dhe Norvegjisë u vlerësuan në takimin e sotëm ndërmjet Kryeministrit të Republikës së Kosovës, Albin Kurti, me Përfaqësuesin special të Norvegjisë për Ballkanin Perëndimor, z. Arne S. Bjornstad dhe Ambasadorin e Norvegjisë në Kosovë, Jens Erik Grøndahl.

Takimi u mbizotërua nga diskutimet mbi Agresionin Rus në Ukrainë dhe pasojat që ka shkaktuar si në ekonomi po ashtu edhe në siguri, me theks të veçantë për rajonin tonë.

Në planin bilateral, Kryeministri shprehu mirënjohjen e Qeverisë së Kosovës për mbështetjen e vazhdueshme që shteti i Norvegjisë ia ka dhënë Kosovës duke shprehur zotimin për thellimin e marrëdhënieve bilaterale mes dy vendeve.

Z. Bjornstad dhe ambasadori Grøndahl shprehën mbështetjen e Norvegjisë për zhvillimin ekonomik, sundimin e ligjit dhe rritjen e bashkëpunimit.

Të ngjashme