Kurtin nuk e votuan 64 mijë votues të Vetëvendosjes

Prishtinë | 28 Qer 2017 | 20:00 | Nga

Kandidati i lëvizjes “Vetëvendosje” për kryeministër, Albin Kurti dhe njëherit bartës i listës së këtij subjekti politik, ndonëse është kandidati më i votuar në Kosovë në zgjedhjet e 11 qershorit, nuk i ka marrë një përqindje të madhe të votave që e kanë votuar partinë e tij.

Lëvizja “Vetëvendosje” në zgjedhjet e 11 qershorit ka marrë gjithsej 200138 vota, përderisa Kurti i ka marrë 136625 vota, shkruan portali “Zeri.info”.

Sipas një kalkulimi del se Albin Kurtin nuk e kanë votuar rreth 64 mijë votues të lëvizjes “Vetëvendosje”, e cila parti ka garuar e vetme në zgjedhje, pa koalicion me ndonjë subjekt tjetër politik.

Megjithatë, lëvizja “Vetëvendosje” në këto zgjedhje ka arritur ta dyfishoj numrin e votave, përkatësisht numrin e mandateve në Kuvendin e Kosovës, ndërsa PDK dhe LDK kanë marrë shumë më pak vota se në zgjedhjet e vitit 2014.

Fjalë Kryesore:

Të ngjashme