I dërguari i BE-së për dialogun Kosovë-Serbi, Miroslav Lajçak, gjatë vizitës në Paris ka takuar ministrin e Deleguar për Evropë, Benjamin Haddad.

Në këtë takim u diskutua lidhur me dialogun midis Kosovës dhe Serbisë.

Kështu ka bërë të ditur vetë Lajçak në platformën ”X”.

“Gjithmonë kënaqësi të jem në Paris dhe të takohem me ministrin e deleguar për Europë, Benjamin Haddad. Ne patëm një diskutim të mirë për dinamikën në Ballkanin Perëndimor dhe rëndësinë e progresit në Dialogun për normalizimin e marrëdhënieve”, ka shkruar Lajçak.

Lajçak shprehet se Franca është mbështetëse e fortë e dialogut.