Lavrov: Marrëveshje ruso-amerikane për një armëpushim në jug të Sirisë

Prishtinë | 08 Kor 2017 | 10:40 | Nga

Rusët dhe amerikanët kanë rënë dakord për një armëpushim duke nisur nga dita e diel në orën lokale të Damaskut 12:00 në jugperëndim të Sirisë, njoftoi sot kreu i diplomacisë ruse, Sergei Lavrov në kuadër të samitit G20.

“Sot, në kryeqytetin jordanez, Amman, ekspertët rusë, amerikanë dhe jordanezë kanë rënë dakord për një memorandum për krijimin e një zone paqeje në rajonet e Deraas, Qouneitras dhe Soueidas”, theksoi Sergei Lavrov., transmeton AFP.

Fillimisht, përcjell kp, siguria rreth kësaj zone do të garantohet nga forcat dhe mjetet e policisë ruse në koordinim me jordanezët dhe amerikanët, tha Sergei Lavrov.

Rusia dhe Irani, aleate të Damaskut dhe Turqia, mbështetëse e rebelëve, miratuan në muajin maj parimin për krijimin e katër zonave të sigurta për vendosjen e një armëpushimi afatgjatë në disa rajone.

Fjalë Kryesore:

Të ngjashme