Kandidatja presidenciale e ekstremit të djathtë e Frontit Nacional në Francë, Marine Le Pen ka kërkuar heqjen e flamurit të Bashkimit Evropian (BE) i cili gjendej prapa saj pranë flamurit francez në një program televiziv në të cilin ajo mori pjesë.

Udhëheqësi i kanalit TF1, Gilles Bouleau, në deklaratën e tij në programin “Presidenti i së Nesërmes” në të cilën mori pjesë Le Pen, bëri të ditur se para programit kanë pranuar kërkesën e Le Pen-it për ta larguar flamurin e BE-së.