Në tregun e këmbimit valutor vendas, të enjten monedha vendase lek u forcua lehtë në raport me euron, ndërsa humbi terren me dollarin amerikan krahasuar me një ditë më parë.

Sipas kursit zyrtar të Bankës së Shqipërisë, monedha e gjelbër amerikane këmbehet me 104.73 lekë ose 0.41 lekë më shumë se ditën e mërkurë, duke shënuar një “ringritje” pas rënies që pësojë për tre ditë me radhë që prej fillimit të kësaj jave.

Euroja ka pësuar një rënie të lehtë me 0.01 lekë dhe këmbehet me 123.80 lekë.

Ndërsa paundi britanik ka thelluar dobësimin e pozitave me 0.26 lekë dhe këmbehet me 138.35 lekë dhe franga zvicerane këmbehet me 114.66 lekë ose 0.02 lekë më shumë se një ditë më parë/ATSH.