Këshilli i Qarkut Lezhe në Shqipëri i dha sot kryetarit të NISMA për Kosovën, Fatmir Limaj, titullin “Nderi i Qarkut Lezhë” me motivacion; “Simbol i luftëtarit dhe komandantit atdhetar, politikanit vizionar e të palodhur për integrimin Euro-Atlantik dhe prosperitetin kombëtarë.

Ky çmim nga Qarku i Lezhës, historikisht ngrit vlerat kombëtare dhe do të jem me nderë qytetarë i Qarkut të Lezhës tha gjatë fjalës së tij, kryetari i Nismës, Fatmir Limaj.
Duke u ndier i nderuar me çmimin Nderi i Qarkut Lezhë, kryetari Limaj tha se me ketë po nderohen të gjithë veprimtarët shqiptarë.
Kryetari i Bashkisë së Lezhës, Frank Frrokaj, tha se Limaj është ndër figurat më të lavdishme te luftës së UCK-së dhe shteteve tona shqiptare.

Edhe Profesori dhe ish deputeti, Gjokë Uldedaj, me nderim vlerësoi larte jetën dhe veprën e Fatmir Limaj.

Edhe figura tjera të njohura në Qarkun e Lëzhës, Paulin Marku, Viktor Tushaj, thanë se historiku i Limajt ngritë vlerën e historikut të Lezhës dhe kombit tonë dhe kjo sipas tyre duhet që t’i tejkalojmë sfidat në rrugën tonë drejt BE-së.