Pas fitimit të statutit të plotë që Tuzi të jetë Komunë e pavarur nga Podgorica e Malit të Zi, tani atje do të mbahen edhe zgjedhjet e para për asamble.

Klan Kosova ka siguruar një listë ku janë të renditur emrat e shqiptarëve të cilët kandidojnë për asamblist.

Bartësi i kësaj liste, Nik Gjeloshaj, ka thënë se gjithçka është gati për zgjedhje dhe se synojnë të fitojnë atje, meqë janë bërë tre parti shqiptare bashkë.

Ai ka theksuar se janë të shumtë edhe nga diaspora e Tuzit, të cilët janë kthyer në vendlindjen e tyre për të marrë pjesë në zgjedhje.

Koalicioni i formuar quhet ‘Forumi Shqiptar’ dhe ka moton ‘Malësia na Bashkon’.

Të drejtë vote kanë 11.800 qytetarë, ku do të mund të votojnë nëpër 30 qendra të ndryshme të votimit.