Drejtuesit e Liverpoolit dhe Real Madridit janë serioz në lidhje me një lëvizje për sulmuesin e Paris Saint-Germain, Kylian Mbappe në vitin 2021.

Gazeta Sport raporton se interesi nga Real Madridi dhe Liverpool për yllin francez Mbappe është ‘i vërtetë’.

Pavarësisht interesimit nga të dy klubet, klubi me bazë në Paris shpreson që ylli i tyre të nënshkruajë një kontratë të re.

Mbappe ka ‘më shumë dyshime’ në lidhje me ambicien sportive të PSG -së dhe dëshiron që ata t’i paraqesin atij një ‘projekt me të vërtetë fitues’ me qëllim për të fituar Ligën e Kampionëve.

Liverpooli nuk do të jetë në gjendje t’i ofrojë Mbappes një paketë më të mirë financiare sesa PSG, por ata mund ta tundojnë atë që të bashkohet me ta duke prezantuar një projekt më të mirë sportiv.

Dhe me kontratën e tij që do të skadojë në vitin 2022, ekziston një besim se PSG do të ishte i gatshëm të shiste për rreth 100 milionë euro. /Telegrafi