Ministri i Zhvillimit Ekonomik, Valdrin Lluka, së bashku me Kryeministrin Ramush Haradinaj, po merr pjesë në Samitin e Investimeve të Ballkanit Perëndimor në Londër të organizuar nga Banka Evropiane për Rindërtim dhe Zhvillim (EBRD Western Balkans Investment Summit).

Ministri Lluka ka bërë të ditur se përveç projekteve të sektorit privat, do të prezantohen edhe projekte në infrastrukturë, kryesisht në fushën e Energjisë, Transportit (hekurudha, unaza e Prishtinës dhe rrugë tjera, aeroporti Gjakovës), Teknologjisë Informative, Ujërave (Orë matës dixhital dhe zgjerim të rrjeteve) dhe Ngrohjeve Qendrore të qyteteve.

Në këtë konferencë, Qeveria e Kosovës ka prezantuar 39 projekte konkrete, që kapin vlerën e 600 milionë euro.