Macron thotë se bota nuk duhet të humbasë fokusin nga ndryshimet klimatike

Prishtinë | 07 Nën 2022 | 18:14 | Nga Ekonomia Online

Presidenti francez Emmanuel Macron, në samitin COP27, që po mbahet në Egjipt, ka thënë se bota nuk duhet të sakrifikojë angazhimet e saj klimatike për shkak të luftës së Rusisë në Ukrainë.

“Agresioni rus kundër Ukrainës jo vetëm që ka sjellë luftën në tokën evropiane, por ka sjellë gjithashtu pasiguri dhe tension në botë”, tha ai.

Ai shtoi se kriza e Ukrainës, e cila erdhi vetëm pak muaj pas pandemisë COVID, do të bënte që shumë njerëz të thonë se kanë prioritete të tjera ku duhet të fokusohen.

“Por në të njëjtën kohë ne shohim shumë shtete që preken nga pasojat e zbërthimit të klimës dhe ne duhet të tregojmë se urgjenca klimatike është me të vërtetë këtu”.

Macron theksoi se angazhimet e botës për klimën nuk duhet të sakrifikohen, veçanërisht për vendet e pasura, përfshirë Francën.

“Ne duhet të vazhdojmë të punojmë në frontin e zbutjes dhe duhet t’i largojmë ekonomitë tona nga qymyri”, tha ai, duke shtuar se ndihma e vendeve në zhvillim për ta bërë këtë duhet të jetë gjithashtu një përparësi.

Të ngjashme