Scott McTominay po kërkon kohë për ta shqyrtuar të ardhmen e tij, pas interesimit nga Manchester United dhe Aston Villa.

Sipas gazetarit Giovanni Scotto, të dy klubet kanë shprehur interesim për mesfushorin skocez, i cili aktualisht është pjesë e Napolit.

Manchester United po shqyrton mundësinë e rikthimit të ish-lojtarit të tij në Old Trafford, ndërsa Aston Villa gjithashtu është futur në garë për shërbimet e tij.

Megjithatë, largimi nga Napoli nuk është i sigurt. Një tjetër mundësi është që McTominay të nënshkruajë kontratë të re me klubin italian, e cila mund të përmbajë një marrëveshje joformale mes palëve, që do t’ia lehtësonte një transferim të ardhshëm.

Mesfushori dëshiron t’i vlerësojë të gjitha opsionet përpara se të marrë një vendim përfundimtar, ndërsa mbetet të shihet nëse Napoli do të arrijë ta bindë të vazhdojë qëndrimin në Itali apo nëse do të hapet rruga për një rikthim të mundshëm në Premierligë.