Ministrja e Arsimit Arbërie Nagavci, ka ndarë laptopë për studentët me nevoja të veçanta, të cilët studiojnë në universitete publike të Kosovës.

Nagavci ka thënë se kjo kategori e studentëve përballen me sfida të shumta dhe i inkurajoi studentët që të adresojnë secilën kërkesë të tyre e cila ua bën më të lehtë punën gjatë studimeve.

Ajo përmendi edhe një varg veprimesh konkrete për ta përmirësuar situatën dhe zbutur nevojat e fëmijëve dhe studentëve me nevoja të veçanta dhe familjeve të tyre, si punësimi i asistentëve, përkrahja financiare përmes bursave dhe veprime të tjera.

Ndërsa, Leonor Berisha, përfaqësues i studentëve, në emër të grupit falënderoi ministren Nagavci për pajisjen me laptopë, si një mjet i domosdoshëm për përgatitjen e tyre profesionale dhe për studime më cilësore.

Qeveria e Kosovës, vitin 2022 e ka shpallur vit të personave me aftësi të kufizuar dhe në kuadër të kësaj ka ndërmarrë veprime për të përmirësuar pozitën nxënësve dhe studentëve të kësaj kategorie gjatë shkollimit të tyre.