Mbështetësit e ish-presidentit të Brazilit, Jair Bolsonaro, kanë pushtuar dhe demoluar Kongresin e vendit, pallatin presidencial dhe Gjykatën Supreme të dielën.

Kjo u duk si një jehonë e zymtë e pushtimit të Kapitolit të ShBA-së dy vjet më parë nga fansat e ish-presidentit Donald Trump, shkruan Reuters.

Nuk pati raportime të menjëhershme për vdekje apo lëndime nga tërbimi i tyre, por pushtuesit lanë një gjurmë shkatërrimi, duke hedhur orenditë shtëpiake jashtë dritareve të thyera të pallatit presidencial, duke demoluar pjesë të Kongresit dhe duke plaçkitur dhomat ceremoniale në Gjykatën e Lartë.

Kryengritja, e cila zgjati pak më shumë se tre orë, shfaqi ndarjen e thellë që ka pushtuar vendin disa ditë pas inaugurimit të presidentit të majtë Luiz Inacio Lula da Silva, i cili mundi Bolsonaron në zgjedhjet e tetorit.

Kujtojmë se ish-presidenti Jair Bolsonaro është i njohur për pikëpamjet e tij të ekstremit të djathtë.