Policët serbë nga veriu i Kosovës i kanë dorëzuar uniformat, shkruajnë sot mediat qeveritare serbe.

Sipas tyre, mbi 300 policë serbë i hoqën uniformat e Policisë së Kosovës në Mitrovicën e Veriut rreth orës 14:00.

Njëri prej policëve u është drejtuar disa gazetarëve duke iu thënë se “nga sot nuk ka më serbë në Policinë e Kosovës në veri”, raporton Tanjugu dhe mediet të tjera përkrahëse të Vuçiqit.

Sot në Mitrovicën e Veriut pati një tubim të serbëve, të cilët iu përgjigjën pozitivisht kërkesës së Listës Serbe.