Mënyra si silleni, më e rëndësishme sesa inteligjenca

Prishtinë | 14 Sht 2023 | 07:43 | Nga Ekonomia Online

Kur është fjala për sukses, është e lehtë të mendosh se njerëzit e bekuar me “tru”, na lënë në mënyrë të pashmangshme pas. Por, kërkime të reja nga universiteti i Stanford-it do të ndryshojnë mendimin tuaj. Psikologia Carol Dweck ka kaluar të gjithë karrierën e saj duke studiuar sjelljen dhe performancën, dhe studimi i saj i fundit tregon se sjellja juaj është një parashikuese më e mirë e suksesit tuaj sesa IQ-ja.

Dweck zbuloi se sjelljet kryesore të njerëzve ndahen në dy kategori: një mentalitet i mbyllur ose një mentalitet i hapur. Kur njerëzit kanë një mentalitet të mbyllur ata besojnë se janë ata që janë dhe nuk mund të ndryshojnë. Kjo krijon probleme kur kanë sfida, sepse çdo gjë duket të jetë më shumë se sa mund të përballojnë dhe ndihen të pashpresë dhe të humbur plotësisht. Njerëzit me një mentalitet të hapur besojnë se mund të përmirësohen me përpjekje. Ata gjykojnë me një mendësi të caktuar, edhe kur ata kanë një IQ të ulët, sepse ata përqafojnë sfidat dhe i trajtojnë si mundësi për të mësuar diçka të re.

Ekziston mendësia se aftësi, si të qenit i zgjuar, sjellin vetëbesimin. Por kjo ndodh vetëm kur gjërat janë të lehta. Faktori vendimtar në jetë është se si i trajtoni pengesat dhe sfidat. Njerëzit me një mentalitet të hapur mirëpresin pengesat pa frikë.

Sipas Dweck, suksesi në jetë qendron i gjithi tek fakti se si veproni kur dështoni. Ajo e përshkruan qasjen ndaj dështimit të njerëzve me mentalitetin të hapur në këtë mënyrë.

“Dështimi është informacion – ne e emërtojmë atë dështim, por është më shumë, ‘Kjo nuk funksionoi dhe unë do ta zgjidh problemin, kështu që do të provoj diçka tjetër’”.

Pavarësisht dështimit, ju mund të bëni ndryshime dhe të zhvilloni mentalitetin . Ajo që vijon janë disa strategji që do të përshtaten mirë me mentalitetin tuaj dhe do t’ju ndihmojnë të siguroheni se është i orientuar drejt rritjes.

Asnjëherë mos mendo se je i pashpresë. Të gjithë kemi momente kur ndjehemi të pafuqishëm. Ccelësi është se si reagojmë ndaj kësaj ndjenje. Ne mund të mësojmë dhe të ecim përpara ose të lejojmë që të na fundosë. Ka pafund njerëz të suksesshëm, të cilët kurrë nuk do ia kishin dalë nëse do të binin në pesimizëm: Walt Disney u pushua nga puna në Star City Kansas sepse ai “nuk kishte imagjinatë dhe nuk kishte ide të mira”. Oprah Winfrey u pushua nga puna e saj në televizion në Baltimore sepse ishte “shumë e përfshirë emocionalisht në tregimet e saj”, Henry Ford pati dy kompani të dështuara të makinave përpara se të pasonte me Fordin dhe Steven Spielberg u refuzua nga Shkolla e Arteve Kinematografike e USC shumë herë. Paramendoni se çfarë do të kishte ndodhur nëse ndonjëri nga këta njerëz do të kishte një mentalitet të mbyllur. Ata do t’i ishin nënshtruar refuzimit dhe do të kishin dështuar. Njerëzit me një mentalitet të hapur nuk ndihen të pafuqishëm sepse e dinë qe mënyra më e mirë për të qenë të suksesshëm është të jeni të gatshëm të dështoni fort dhe pastaj të ktheheni menjëherë.

Ndiqni pasionet e tua. Njerëzit e suksesshem ndjekin pasionet e tyre pa pushim. Gjithmonë do të jetë dikush që është më i talentuar se ju, por ajo që ju mungon në talent, ju mund ta plotësoni me pasion. Pasioni është ajo që i shtyn njerëzit drejt përsosmërisë. Warren Buffet rekomandon gjetjen e pasioneve tuaja të vërteta duke përdorur, atë që ai e quan, teknikën 5/25: Shkruani 25 gjërat që ju interesojnë më së shumti. Pastaj, kryqëzoni pjesën e poshtme 20. Të mbeturit 5 janë pasionet tuaja të vërteta. Çdo gjë tjetër është thjesht argëtim.

Vepro! Njerëzit me një mentalitet të hapur nuk kanë aftësi më shumë se të tjerët për të kapërcyer frikërat e tyre, por ata e dinë se frika dhe ankthi po paralizojnë emocionet dhe se mënyra më e mirë për të kapërcyer këtë paralizë është të ndërmarrin veprime. Njerëzit me një mentalitet të hapur janë gjithmonë një hap përpara dhe këta njerëz e dinë se nuk ka gjë më të mirë se një moment i duhur për të ecur përpara. Por, pse të presësh që të vijë momenti? Hedhja në veprim kthen të gjithë shqetësimin tuaj dhe shqetësimin për dështim në energji pozitive, në fokus.

Njerëzit e suksesshëm japin gjithmonë maksimumin, madje edhe në ditët e tyre më të këqija. Ata gjithmonë e shtyjnë veten për të shkuar edhe më larg. Një nga nxënësit e Bruce Lee-t zhvilloi tre kilometra çdo ditë me të. Një ditë, ata ishin në fund të 3 kilometrave kur Bruce tha, “Le të bëjmë dy më shumë.” Nxënësi i tij ishte i lodhur dhe tha: “Unë do të vdes nëse bëj dy më shumë.” Përgjigja Bruce? “Atehere bëje.” Nxënësi u inatos aq shumë sa mbaroi pesë kilometra të plota. I lodhur dhe i zemëruar, ai u përball me Bruce-n për komentin e tij dhe Bruce shpjegoi në këtë mënyrë: “Dorezohuni dhe mund të vdisni gjithsesi. Nëse gjithmonë vendosni kufizime mbi atë që mund të bëni, fizike apo ndonjë gjë tjetër, ajo do të përhapet në pjesën tjetër të jetës suaj. Do të përhapet në punën tuaj, në moralin tuaj, në gjithë qenien tuaj. Nuk ka kufinj. Ka rrafshnaltë, por ju nuk duhet të qëndroni atje; ju duhet të shkoni përtej tyre. Nëse ju vret, ajo ju vret. Njeriu duhet ta kalojë vazhdimisht nivelin e tij. ”

Nëse jeta jote nuk po përmirësohet nga pak çdo ditë, atëherë ka më shumë gjasa që të jetë duke u përkeqësuar nga pak dhe çfarë lloj jete është kjo?

Prit rezultate! Njerëzit me një mentalitet të hapur e dinë se do të dështojnë herë pas here, por nuk lejojnë që kjo t’i ndalojë. Pritshmëritë ju mbajnë të motivuar dhe ushqejnë ciklin e zhvillimit. Në fund të fundit, nëse nuk mendoni se do të keni sukses, atëherë pse shqetësoni? Jini fleksibël. Gjithkush ndeshet me vështirësi të paparashikuara. Njerëzit me një mentalitet të hapur dhe të orientuar drejt rritjes përqafojnë vështirësitë si një mjet për përmirësim, në krahasim me diçka që i mban ata prapa. Kur një situatë e papritur i sfidon, ata përkulen derisa të marrin rezultate. Mos u ankoni kur gjërat nuk shkojnë siç prisnit. Ankimi është një shenjë e dukshme e një mendje të mbyllur. Një njeri me një mentalitet të hapur kërkon mundësi në çdo gjë, kështu që nuk ka vend për ankesa. (businessmag.al)

Fjalë Kryesore:

Të ngjashme