Zëvendësministri i Arsimit, Shkencës, Teknologjisë dhe Inovacionit, Dukagjin Pupovci, në një konferencë për medie ka njoftuar që kanë bërë të gjitha përgatitjet që vitit i ri shkollor të fillojë me prezence fizike me 13 shtator, raporton Ekonomia Online.

Pupovci thotë se rekomandimet e fundit të ardhura nga OBSh-ja janë që shkollar mund të zhvillojnë mësimin me prezencë fizike.

Ai ka shtuar se sipas të dhënave që kanë deri më tani janë vaksinuar 77% e mësimdhënësve dhe mbi 2 mijë nxënës.

“Parashihen skenarët A, B, C dhe është shtuar skenari i rikthimit në shkolla me prezencë të plotë. Javën e ardhshme kemi takim me drejtoritë komunale dhe SBAShK-un”.

“Sa i përket vaksinimit të mësimdhënësve shkalla e vaksinimit është 77%, kurse janë vaksinuar 2369 nxënës. Rekomandimet e fundit të OBSh-së janë që shkollat të qëndrojnë të hapura”.

Ai ftoi mësimdhënësit që të vaksinohen, duke shtuar se nëse nuk e marrin vaksinën çdo 72 orë duhet të sjellin testin PCR që janë negativ.

“Nëse nuk sjellin testin nuk mund të hyjnë në klasë”, tha ai, raporton EO.

Sipas tij, shpërndarja e teksteve shkollore do të përfundoj me kohë për klasat nga e para deri në të nëntën dhe do të ofrohen falas.

“Janë bërë përgatitjet edhe për librat. Në afatin e maturës kemi pasur 200 komisionerë dhe 650 administrues. Në provim kanë hyrë mbi 5 000 nxënës. Rezultatet e testit të maturës pritet të publikohen me 6 shtator”.