Meta përballet nga e marta me një gjyq të madh në SHBA, pasi 30 shtete e akuzojnë kompaninë se platformat Instagram dhe Facebook kanë dëmtuar dhe shënjestruar fëmijët dhe adoleshentët.

Shtetet kërkojnë deri në 1 trilion dollarë dëmshpërblim, si dhe ndryshime në mënyrën se si funksionojnë platformat, përfshirë heqjen e numrit të pëlqimeve për të miturit, kufizimin e njoftimeve dhe ndryshimin e algoritmeve të rekomandimeve, shkruan BBC.

Meta i ka mohuar akuzat dhe ka thënë se është e bindur se provat do të tregojnë përkushtimin e saj ndaj sigurisë së të rinjve.

Nëse humb çështjen, kompania mund të detyrohet të bëjë ndryshime të mëdha në Instagram dhe Facebook në të gjithë SHBA-në.