Poetja e njohur Mimoza Ahmeti është shpallur fituese e edicionit të tretë të reality show-t “Ferma VIP 3”.

Ajo ka arritur të sigurojë fitoren në finalen e madhe të spektaklit, duke marrë çmimin kryesor prej 129 mijë eurosh, shkruan Indeksonline.

Ahmeti, një nga figurat më të komentuara të këtij edicioni, ka spikatur gjatë gjithë garës me qëndrimin dhe performancën e saj brenda fermës, duke fituar edhe mbështetjen e publikut në disa raste.

Finalja e spektaklit u zhvillua mbrëmë ku u shpall edhe fituesja e sezonit.