Ministri Likaj takoi donatorët dhe partnerët zhvillimorë në arsim

Prishtinë | 18 Qer 2020 | 13:34 | Nga Ekonomia Online

Ministri i Arsimit dhe Shkencës, Ramë Likaj është takuar sot me donatorët dhe partnerët zhvillimor në arsim, me të cilët ka biseduar për gjendjen në arsim dhe përkrahjen e tyre në të gjitha nivelet e arsimit në vend.

Ministri Likaj ka falënderuar partnerët zhvillimorë për ndihmën e madhe që i kanë dhënë arsimit përmes projekteve të mëdha, ndërsa theksoi rëndësinë që ka mbështetja e tyre në realizimin e agjendës qeveritare në arsim.

Gjatë takimit u vu theksoi në ndihmën që kanë dhënë partnerët në situatën pandemike sa i përket mësimit në distancë, por edhe për orientimin e mbështetjes në përgatitjet për situata të reja të mundshme për fillimin e vitit të ri shkollor dhe atij akademik.

Ministri theksoi se në këtë situatë ka nevojë për edhe për këshilla dhe rekomandime nga partnerët në arsim dhe shprehu gatishmërinë e tij që të koordinojë aktivitetet e përbashkëta të MASh dhe partnerëve të arsimit.

Përfaqësuesit e organizatave partnere në arsim shprehën gatishmërinë që të vazhdojnë ta mbështesin arsimin përmes projekteve që janë duke u realizuar, por edhe për iniciativa të reja rreth menaxhimit të situatës me COVID-19.

Të ngjashme