Ministri i Tregtisë dhe Telekomunikacionit në Serbi, Rasim Lajiq, ka deklaruar se pozita e Serbisë në çështjen e Kosovës nuk është e mirë, porse është e sigurt se zgjidhja pa Serbinë nuk bëhet, shkruan Vecernje Novosti, njofton Klan Kosova.

Ai ka shtuar se “të gjithë e dimë se pozicioni negociues i Serbisë nuk është i madh dhe se Serbia nuk ka fuqi reale në Kosovë”.

Lajiq shtoi se Serbia këmbëngul për një zgjidhje kompromisi, pasi çdo zgjidhje e njëanshme do ta vazhdonte problemin në përjetësi.