Një mjet i dyshimtë është hasur në lagjen “Arbëria” dhe banorët janë alarmuar.

Menjëherë pas lajmërimit, Policia ka dalë në vendin e ngjarjes dhe ka bërë sigurimin e nevojshëm të vendit.

Këtë për lajmi.net e ka konfirmuar edhe zëdhënësi i Policisë, Daut Hoxha.

“Është raportuar për një mjet të dyshimtë, Policia ka bërë sigurimin e nevojshëm të vendit dhe janë njoftuar njësitet kompetente përfshirë edhe FSK-në për veprime të mëtejme”, tha Hoxha për lajmi.net.

Nuk dihet ende nëse është larguar mjeti i dyshimtë nga zona.