Të premten në Kosovë do të mbajë mot kryesisht i vranët dhe me riga shiu.

Instituti Hidrometeorologjik i Kosovës (IHK) ka bërë të ditur se në viset malore do të ketë shi dhe borë.

“Gjatë këtyre pesë ditëve të parashikimit mund të ketë reshje bore edhe në vise të ulëta, por kryesisht gjatë orëve të vona të natës, kur temperaturat zbresin rreth zeros. Gjatë këtyre pesë ditëve parashihet të fryjë erë kryesisht nga verilindja me shpejtësi 1-11 m/s, ndërsa në pjesën veriore të Dukagjinit, konkretisht në Istog me rrethinë, shpejtësia e erës parashihet të jetë mbi 15m/s”, thuhet në njoftim.