Mustafa priti në takim të ngarkuarin me punë të ambasadës së Maqedonisë në Kosovë

Prishtinë | 25 Mar 2019 | 14:40 | Nga Ekonomia Online

Ministri i Punëve të Brendshme, z. Ekrem Mustafa, priti në takim të ngarkuarin me punë të Ambasadës së Maqedonisë Veriore në Kosovë, z. Rexhep Saliu, me të cilin diskutuan për gjendjen e sigurisë sëpërgjithshme të dy vendeve.

Me këtë rast ministri Mustafa vuri në dukje marrëdhëniet e mira ndërmjet dy vendeve, mundësitë e thellimit të bashkëpunimit, sidomos në sundimin e rendit dhe ligjit, si dhe avancimin e më tej të bashkëpunimit mes dy policive, si dy vendeve fqinje, nëparandalimin e aktiviteteve kriminale.

“Deri më tani bashkëpunimi mes dy vendeve në fushën e sigurisë ka funksionuar jashtëzakonisht mirë, mbetem i përkushtuar që të avancojmë edhe më tej në fushat e bashkëpunimit të përbashkët me qëllim të lehtësimit te lëvizjes së qytetarëve të dy vendeve”, theksoi ministri Mustafa.

Ndërsa i ngarkuari me punë në Ambasadën e Maqedonisë Veriore në Kosovë, z.Rexhep Saliu, falënderoi ministrin për pritje dhe theksoi se vendi i tij do të vazhdojë thellimin e bashkëpunimit me Kosovën në fusha të interesit të përbashkët.

Fjalë Kryesore:

Të ngjashme