Mustafa uron hapjen e urës në veri të vendit, por nuk përmend bllokadën nga serbët

Kryeministri i Kosovës, Isa Mustafa ka uruar për hapjen e urës që lidh Zveçanin me Leposaviqin.

Mustafa ka thënë se është i kënaqur të shoh një urë me standarde të larta.

“Mora pjesë sot në përurimin e urës së ndërtuar nga NATO, që lidh Zveçanin me Leposaviqin, dy qytetet më veriore të Republikës së Kosovës. Ishte kënaqësi të shoh një urë të ndërtuar me standarde të larta, e cila do t’ua lehtësoj lëvizjen banorëve të kësaj ane. Urime”, ka shkruar Mustafa në Facebook.