Ministria e Zhvillimit Rajonal ka nënshkruar memorandum të bashkëpunimit me Caritasin, raporton Ekonomia Online.
Marrëveshja kap vlerën e 2.6 milionë euro dhe projektet do të implementohen për tri vjetët e ardhshme dhe kanë të bëjnë me mbrojtjen e mjedisit dhe riintegrimin e diasporës.
Ministri Fitim Damka me këtë rast tha se në këto projekte marrin pjesë me 40% të financimit, pra investojnë 1 milion euro.
Ai ka shtuar se marrëveshja trevjeçare do të kontribuojë në avancimin e zhvillimit rajonal e socio-ekonomik.
“Nënshkruam marrëveshjen e bashkëpunimit 3 vjeçar për të kontribuar në avancimin e zhvillimit rajonal, socio-ekonomik. Marrëveshja përfshinë dy projekte: Projektin për ndikimin mjedisor të të rinjve dhe projekti i tjetër që ka të bëjë me riintegrim komunal dhe diasporë”.
“Ky projekt do të zgjasë 3 vjet, 40% e vlerës total e mbështesim ne, vlera totale është 2.6 milionë, afër 1 milion investon ministria”.
Drejtori i Caritasit për Kosovë, Gerhard Schaumberger, tha se me këto projekte përveç mbrojtjes së mjedisit synim kanë edhe tërheqjen e investimeve nga diaspora, raporton EO.
“Këto dy projekte vijnë në kohë e duhur dhe prekin shumë tema të rëndësishme dhe ndryshmet klimatike dhe riintegrimi”.
“Si Caritas ne jemi në Kosovë qe 20 vjet dhe i japim prioritet projekteve në komuna. Me projektin për migrimin dhe diasporën ne dëshirojmë t’i japim shtytje investimeve të diasporës”.