Qebaptoreve iu bie puna pas thirrjes së IKShPK-së

Prishtinë | 29 Kor 2021 | 21:29 | Nga Ekonomia Online

Instituti Kombëtarë i Shëndetësisë ka bërë thirrje për shmangie të produkteve të mishit.

Qoftet janë pothuajse ushqimi më i kërkuar i qytetarëve gjatë pauzave të punës.

Mirëpo produktet e mishit nuk po preferohen për ushqim në këto ditë të nxehta.

Instituti Kombëtarë i Shëndetësisë Publike ka bërë thirrje publike për shmangie të këtyre ushqimeve gjatë këtyre ditëve.

E këtë thirrje të Institutit po e mirëpresin një pjesë e qytetarëve.

Sipas tyre ky është një vendim i duhur për shkak të temperaturave të nxehtë.

Mirëpo ka edhe të tjerë që thonë që nuk do ta marrin parasysh paralajmërimin e IKSHKPK-së e do të vazhdojnë të ushqehen me mish e suxhuk.

Por ata që e kanë vërejtur më së shumti këtë thirrje janë pronarët e qebaptoreve.

Këtyre u ka rënë puna këto ditë pas lajmërimit që ka bërë IKSHPK.

Ndonëse nuk kanë dashur të prononcohen para kamerave kanë thënë u ka rënë puna këto ditë.

Madje sipas tyre, kjo gjë po ndikon keq në biznese sepse edhe vitin e kaluar nuk kanë pasur mundësi të punojnë me kapacitete të plota për shkak të pandemisë.

Të ngjashme