Raportohet për tërmete në Pejë dhe Istog, nuk ka të dhëna për dëmtime eventuale

Prishtinë | 06 Mar 2018 | 13:02 | Nga

Shërbimi Gjeologjik i Kosovës ka dërguar raportin në lidhje me termetet që kanë goditur Pejën dhe Istogun. Aty thuhet se për shkak të thellësisë, termeti është ndier nga banorët e Regjionit të Pejës dhe se deri më tani nuk posedojnë të dhëna mbi dëmtimet evnetuale, raporton Ekonomia Online.

Ky është raporti i  rrjetit sizmologjik të Kosovës: 

Duke u bazuar në Rrjetin Sizmik, Shërbimi Gjeologjik i Kosovës dhe Qendrës Sizmike Euro-Mediterane, si dhe në analizën numerike të Rrjetit Sizmologjik të Kosovës, sot në ora 11:00, sipas kohës lokale, vendi ynë është goditur nga një tërmet me magnitude 2.6 sipas shkallës Rihter, përkatësisht me intensitet  III1/2   ballë  të Merkalit.

Epiqendra e këtij tërmeti ishte            8 km Veri Lindje të Pejës

respektivisht në koordinatat :             42.739 (latituda) dhe

20.335 (longituda),

ndërsa thellësia hipoqendrore ishte 8 km.

Për shkak të thellësisë së përfillshme të vatrës së tij, tërmeti në fjalë është ndier dukshëm nga banorët e Regjionit Pejës.

Deri më tani Rrjeti Sizmik, Shërbimi Gjeologjik i Kosovës nuk posedon të dhëna lidhur me dëmtimet eventuale në zonën epiqendrore.

Të ngjashme