“Institucionet do të punojnë maksimalisht për ta zbuluar të vërtetën. Prandaj duket të kemi besim në shtet, duke të kemi besim në drejtësi”, ka shtuar ai.Kurse ministri i Drejtësisë, Abelard Tahiri, ka thënë se autoritetet janë duke bërë maksimumin e tyre në këtë rast.

“Ai mëngjesi i ditës së premte ka qenë shumë i rëndë, me ka marrë në telefon presidenti dhe jemi në kontakt të vazhdueshëm me të gjitha autoritetet të cilat janë duke e bërë maksimumin që këta njerëz që e kanë kryer këtë vepër kaq të rëndë të dalin para drejtësisë”, ka thënë ministri Tahiri.

Shani e Bahri Maloku u vranë të premten pas mesnate në pragun e shtëpisë nga dy persona me një breshëri plumbash në shtëpinë e tyre në fshatin Plloqicë të Malishevës. Për këtë rast nga ana e organeve të hetuesisë janë ndaluar dy persona.

Gjykata Themelore në Gjakovë, dy të dyshuarve që në shtëpinë e tyre kishin hyrë për vjedhje, u ka shqiptuar një muaj paraburgim. Paraburgimi u është caktuar dy të dyshuarve për këtë vrasje të dy me inicialet B.M.

Vrasja e dy vëllezërve Maloku ndodhi të premten në orët e para të ditës në fshatin Plloçicë të Malishevës.