Sekretari gjeneral i NATO-s, Jens Stoltenberg, ka deklaruar se është një mundësi shumë e mirë që të vijë paqja për Afganistanin derisa po vazhdojnë bisedimet e amerikanëve me talibanët në Katar.

Në një konferencë të përbashkët me kryeministren e Zelandës së Re, shefi i NATO-s tha se aleanca nuk do të qëndrojë në Afganistan përveç nëse është e nevojshme, raporton KTV.

Jacinda Ardern e Stoltenberg folën për përvojat e tyre me terrorizimin në Zelandën e Re dhe Norvegji, derisa Stoltenberg refuzoi të komentonte masakrat në El Paso dhe Ohio.