Seanca gjyqësore për rastin “Banjska” ndaj të akuzuarve Blagoje Spasojeviq, Vladimir Toliq dhe Dushan Maksimoviq është ndërprerë, për shkak të mungesës së dëshmitarit anonim, raporton Ekonomia Online.

Kryetari i trupit gjykues, Arben Hoti, bëri të ditur se për datën 18 korrik ishte paraparë dëgjimi i një dëshmitari të propozuar nga Prokuroria, por ai nuk s’pati mundësi të merrte pjesë në këtë seancë.

Prokurori i shtetit, Naim Abazi, propozoi që seanca të vazhdojë me dëshmitarët e tjerë.

Megjithatë, kryetari i trupit gjykues sqaroi se për sot ishte planifikuar që gjatë gjithë ditës të dëgjohej pikërisht ky dëshmitar, andaj seanca u ndërpre dhe do të vazhdojë të hënën.

LEXO EDHE:

Tre të akuzuarit për rastin Banjska u sollën në gjykatë nën masa të rrepta sigurie