Në Universitetin për Biznes dhe Teknologji (UBT) sot kanë diplomuar më shumë se 700 studentë të nivelit Bachelor dhe Master, gjenerata 2016/2017, të degëve të cilat UBT ka për program studimi.

Rektori i këtij universiteti, Edmond Hajrizi ka thënë se diplomimi i qindra studentëve, dëshmon edhe njëherë nivelin e cilësisë që ka ky kolegj, raporton Ekonomia Online.

Ai ka inkurajuar studentët e diplomuar që të vijojnë studimet edhe më tej, ngase sipas tij me këtë nivel nuk përfundon studimi.

“Nëse dua të përcjell një mesazh ai është që te bëheni të zot e vetës tuaj. Unë dua të shpreh edhe besimin tim tek ju sepse ju jeni ambasador të UBT, ju do jeni qeverisja e vendit tone e ardhmja e këtij vendi. UBT ka një performancë të mirë të cilën e ka dëshmuar me nivelin dhe cilësinë e arsimit në Kosovë. Sot UBT rangohet në një ndër universitetet më të rëndësishme në vend”, është shprehur ai.

E pas këtij fjalimi studentët bashkë me Hajrizin thanë fjalën e betimit të studentit.