( E plotësuar) Ndërtesa e cila po digjet në lagjen Veternik të kryeqytetit është një objekt banesor poshtë të cilës është furra e bukës Kosovarja.

Portali Koha.net ka kontaktuar me Qendrën e Alarmimit dhe Koordinimit Emergjent në Komunën e Prishtinës, e cila ka konfirmuar se bëhet fjal për këtë ndërtesë.

Zyrtarët kanë thënë se zjarrfikësit janë duke provuar ende që ta lokalizojnë zjarrin. Nuk kanë qenë në gjendje të japin më shumë detaje për dëmet eventuale në njerëz, e as për pasojat që kanë çuar deri te ky shpërthim i zjarrit

Merr flakë një objekt i madh në Veternik (Video)

Një flakë e madhe ka përfshirë një objekt në lagjen Veterniku në periferi të Prishtinës.

Ekipet e zjarrfikësve kanë mbërritur në vendin e ngjarjes dhe po bëjnë përpjekje ta lokalizojnë zjarrin, por sipas dëshmitarëve në vendin e ngjarjes një gjë të tillë po e kanë shumë të vështirë.