Moderatorja Jona Spahiu gjeti pak kohë të lirë për ndjekësit e saj në rrjete sociale, pasi vuri në gjumë të voglin e saj Raiden. Ndaj, ajo nisi t’ përgjigjej pyetjeve të fansave, të cilët ishin tepër kuriozë për detaje të ndryshme nga jeta e saj.

Dikush e pyet Jonën cili është emri i saj i vërtetë, ndërsa pas shumë batutash me bashkëshortin tregon se ajo quhet Jonida Spahiu.

Pas një mungese të gjatë në ekran, Jona Spahiut ju besua drejtimi i spektalit më të ri të humorit “Kosherja” i cili transmetohet të dieleve në T7 dhe ABC Albania. Përkrah, Bes Kallakut ajo ja ka dalë mbanë ta drejtojë më së miri këtë format, që edhe për të ishte një eksperiencë krejtësisht e re.

Ndërkohë kujtojmë se para nisjes së spektaklit, Jona tregoi se ajo mori ofertën për moderim nga Altin Basha dhe se kjo gjë i erdhi papritur.

“Më gjeti të papërgatitur oferta e Altinit. Unë jam nga ata njerëzit që jam shumë selektiv që nuk qesh lehtë. Kam një burrë që më bën shumë për të qeshur. Kemi një grup shumë interesant vetëm qeshim. Madje edhe shumë nga tekstet e ‘Kosheres’ i lexojmë. Nuk e di se si do të përshtatem, por duket që është një frymë shumë pozitive”, u shpreh Jona para nisjes së “Kosheres” gjatë një interviste.