Që nga dita e sotme do të paguhet pesë euro për çdo kalim në tunelin e Kalimashit.

Taksa e re e planifikuar për të gjitha mjetet prej pesë eurosh në Rrugën e Kombit, do të fillojë paraditen e së dielës, në orën 12:00.

Mësohet se ditën e sotme, tarifimi do të kryhet vetëm në fazën e testimit.

Nga gjashtë sportelet e planifikuara të tarifojnë me pesë euro çdo automjet që kalon, sot do të punojnë vetëm katër, dy në vajtje e dy në ardhje.