Një person është arrestuar në Viti të shtunën për armëmbajtje pa leje dhe është zënë pasi ka shtënë me armë zjarri drejt dy të tjerëve.

Policia e Kosovës njofton se “pas një mosmarrëveshje mes dy viktimat meshkuj kosovarë, ka ardhur deri te kacafytja mes tyre, ku më pas i dyshuari ka shtënë me armë zjarri”.

Më pas, viktimat kanë arritur t’ia largojnë armën duke e hedhur në tokë.

Policia ka konfiskuar një gëzhojë dhe një predhë, ndërsa armën nuk e kanë gjetur.

I dyshuari është dërguar në mbajtje.

Ndërsa Policia rastin e ka cilësuar si “armëmbajtje pa leje”.