Kur po përfundon viti 2018, banorët e New Yorkut kanë shfrytëzuar rastin për të hequr qafe gjithçka që i mërzitë dhe i zemëron, duke hedhur të gjitha mendimet e padëshiruara në një kosh gjigand plehrash që është ngritur në Times Square.

“Ne mendojmë që katarsisi është diçka e mirë dhe veçanërisht ku version njujorkez i katarsisit, ku ne hedhim gjërat dhe mendimet që na mërzisin”, thotë organizatori, Timp Tompkin, nga aleanca The Times Square.

“Ne hedhim sytë nga ngjarjet e vitit të kaluar, tek gjërat që ne duam t’u themi lamtumirë… Ka pasur shumë armiqësi ndaj shtypit psh dhe ne mendojmë se për vitet që vijnë duhet të festojmë gjërat që ne vlerësojmë më shumë. Times Square ka emrin e një gazete… Kjo është koha e duhur për të thënë se rëndësia e lirisë së shtypit, rëndësia e gazetarisë është e jashtëzakonshme”, thotë ai.

Mesazhe që denoncojnë faturat e larta të energjisë, dhunën nga armët e zjarrit apo edhe bllokimet në trafik, janë hedhur në atë që njihet si dita e përvitshme e ndarjes së mirë.