Komuna e Ferizajt, ndonëse vazhdon të përballet me kriza financiare, përmbaruesit privatë gradualisht po vazhdojnë t’ia marrin buxhetin pa e pyetur fare se nga cili sektor do të paguhen obligimet e Komunës.

Gjatë ditëve të fundit nëpërmjet përmbaruesit së paku 20 ish – mësimdhënës ia kanë marrë Komunës nga 3 paga jubilare pas pensionimit të cilat u takojnë me ligj, shkruan sot Koha Ditore.

Në këtë mënyrë po dëmtohet edhe buxheti i taksapaguesve derisa Komuna është e obliguar ta paguajë kamatën prej 8 përqindësh të procedurave ndaj përmbaruesit.